Lajme

Nga monitorimi në terren te shkëmbimi shkencor dhe bashkëpunimi rajonal, shtatori dhe tetori i vitit 2026 ishin muaj të ngjeshur me aktivitete për Programin e Rimëkëmbjes së Rrëqebullit të Ballkanit (BLRP). Tri takime mblodhën së bashku specialistë të ruajtjes së natyrës, studiues dhe aktorë lokalë për të shkëmbyer njohuri, për të forcuar partneritetet dhe për të çuar përpara përpjekjet për mbrojtjen e rrëqebullit të Ballkanit, një nënlloj i rrezikuar në mënyrë kritike.

Një rrëqebull i Ballkanit, i regjistruar më parë në zonën Polis–Valamarë, është dokumentuar tashmë mes Korçës dhe Skraparit, në pikën më jugore të Shqipërisë. Regjistrimi i ri zgjeron njohuritë tona për lëvizjet e këtij individi dhe ofron të dhëna të rëndësishme për të hulumtuar lidhjet e mundshme ekologjike mes habitateve.

Puna në terren mbetet një nga shtyllat kryesore të Programit për Rimëkëmbjen e Rrëqebullit të Ballkanit (BLRP). Për të mbështetur objektivin e programit për krijimin e një sistemi të besueshëm monitorimi dhe zhvillimin e kërkimeve të fokusuara mbi ekologjinë dhe nevojat e rrëqebullit të Ballkanit, partnerët tanë në Shqipëri, në Republikën e Maqedonisë e Veriut dhe Kosovë vazhdojnë punën intensive në terren. Gjatë muajve të fundit, në Shqipëri është ngritur një rrjet i ri monitorimi me kamera kurth, në Maqedoninë e Veriut një rrëqebull femër është pajisur me transmetues satelitor GPS, ndërsa në Kosovë është identifikuar një individ i panjohur më parë brenda një parku kombëtar.

Strategjia Rajonale për mbrojtjen e rrëqebullit të Ballkanit është miratuar zyrtarisht në takimin e 15-të të Konventës për Llojet Shtegtare (CMS COP15) në Brazil, në mars 2026. Kjo konventë fokusohet në planet kombëtare të veprimit, ndërlidhjen e habitateve dhe rritjen e diversitetit gjenetik. Autoritetet dhe ekspertët do ta zbatojnë atë në vitet në vijim.

Në kuadër të Programit për Rimëkëmbjen e Rrëqebullit të Ballkanit (BLRP), partneri ynë MES në Maqedoninë e Veriut është duke pajisur individë rrëqebuj me transmetues satelitor për të grumbulluar të dhëna më të hollësishme mbi përzgjedhjen e habitatit dhe mënyrat e lëvizjeve të këtij nënlloji të rrezikuar në mënyrë kritike. GPS siguron informacion thelbësor për të kuptuar se si këta gjitarë të “ndrojtur” lëvizin në habitatin e tyreGjatë zbatimit të projektit,15 individw rrëqebulli janë pajisur me GPS dhe kanë gjeneruar të dhëna të rëndësishme shkencore.