Programi i Rimëkëmbjes së Rrëqebullit të Ballkanit

Mbroni rrëqebullin e Ballkanit

Programi i Rimëkëmbjes së Rrëqebullit të Ballkanit (BLRP) synon të rikthejë një popullatë të qëndrueshme të rrëqebullit të Ballkanit duke adresuar kërcënimet kryesore. Përmes bashkëpunimit ndërkufitar, kërkimit shkencor, monitorimit, përfshirjes së komunitetit, politikave advokuese dhe komunikimit, programi punon për të përmirësuar strategjitë e ruajtjes, për të forcuar mbrojtjen ligjore dhe për të krijuar një rrjet të qëndrueshëm habitatësh për këtë specie.

© MES© MES

© MES

Rrëqebulli i Ballkanit

Rrëqebulli i Ballkanit (Lynx lynx balcanicus) është një nga macet e egra më të rralla në Evropë, me më pak se 50 individë të mbetur. I shpërndarë në Ballkanin jugperëndimor, kjo nënspecie kritikisht e rrezikuar përballet me kërcënime serioze si humbja e habitatit, gjuetia e paligjshme dhe reduktimi i presë. Mësoni më shumë rreth shpërndarjes së tyre, habitatit, kërcënimeve, sjelljes dhe ekologjisë.

Lexoni më shumë

Programi i Rimëkëmbjes

Programi i Rimëkëmbjes së Rrëqebullit të Ballkanit është një bashkëpunim mes partnerëve të projektit që punojnë për mbrojtjen e rrëqebullit të Ballkanit. Mësoni më shumë rreth objektivave, qasjes dhe partnerëve të tij.

Mësoni më shumëNjihni partnerët

Lajme

Lajme nga projektet tona
© PPNEA© PPNEA

© PPNEA

17.06.2026
Dita Ndërkombëtare e Rrëqebullit 2026
Çdo vit, më 11 qershor, festohet në mbarë botën Dita Ndërkombëtare e Rrëqebullit. Me këtë rast, organizata, partnerë dhe komunitete lokale zhvillojne aktivitete të ndryshme për të rritur ndërgjegjësimin për ruajtjen e rrëqebullit dhe për të theksuar rëndësinë e mbrojtjes së specieve si rrëqebulli i Ballkanit. Në Kosovë, u promovua një libër i ri për fëmijët me titullin «Rojtari i Natyrës», ndërsa në Maqedoninë e Veriut aktivitetet u fokusuan në angazhimin e publikut përmes rrjeteve sociale. Në Shqipëri, u organizua një seri aktivitetesh mjedisore për t’i njohur të rinjtë me speciet, kërcënimet me të cilat përballet dhe rëndësinë e tyre për ruajtjen e biodiversitetit.
Detajet
© ERA © ERA

© ERA

19.05.2026

Përditësime nga puna në terren në të gjithë hapësirën e shpërndarjes së rrëqebullit të Ballkanit

Puna në terren mbetet një nga shtyllat kryesore të Programit për Rimëkëmbjen e Rrëqebullit të Ballkanit (BLRP). Për të mbështetur objektivin e programit për krijimin e një sistemi të besueshëm monitorimi dhe zhvillimin e kërkimeve të fokusuara mbi ekologjinë dhe nevojat e rrëqebullit të Ballkanit, partnerët tanë në Shqipëri, në Republikën e Maqedonisë e Veriut dhe Kosovë vazhdojnë punën intensive në terren. Gjatë muajve të fundit, në Shqipëri është ngritur një rrjet i ri monitorimi me kamera kurth, në Maqedoninë e Veriut një rrëqebull femër është pajisur me transmetues satelitor GPS, ndërsa në Kosovë është identifikuar një individ i panjohur më parë brenda një parku kombëtar.
Detajet
© PPNEA© PPNEA

© PPNEA

19.04.2026
Murali i Dytë i Rrëqebullit të Ballkanit Inagurohet në Shqipëri
Qyteti i Pukës tashmë ka një simbol të ri që feston natyrën dhe biodiversitetin e pasur të Shqipërisë. I realizuar më 19 prill 2026, murali i Rrëqebullit të Ballkanit është murali i dytë në Shqipëri i dedikuar kësaj specieje të rrallë dhe në rrezik kritik për zdukje, pas muralit të parë të pikturuar në vitin 2024 në shkollën “Vasil Shanto” në Tiranë.
Detajet

© Iskra Stojanova

31.03.2026

Strategjia Rajonale për Ruajtjen e Rrëqebullit të Ballkanit miratohet në CMS COP15

Strategjia Rajonale për mbrojtjen e rrëqebullit të Ballkanit është miratuar zyrtarisht në takimin e 15-të të Konventës për Llojet Shtegtare (CMS COP15) në Brazil, në mars 2026. Kjo konventë fokusohet në planet kombëtare të veprimit, ndërlidhjen e habitateve dhe rritjen e diversitetit gjenetik. Autoritetet dhe ekspertët do ta zbatojnë atë në vitet në vijim.
Detajet