Maqedonia e Veriut

МЕД

Shoqata Ekologjike e Maqedonisë (MES) është një organizatë e shoqërisë civile që vepron në fushën e ekosistemit dhe mbrojtjes së mjedisit. MES arrin qëllimet e saj duke zbatuar dhe duke marrë pjesë  në projekte, si dhe duke organizuar takime profesionale dhe shkencore. Përveç fokusit në kërkimin shkencor, MES forcon kapacitetet e saj përmes trajnimeve për anëtarët dhe fuqizimin e shkencëtarëve të rinj. Që nga viti 2006, MES është pjesë e Programit për Rimëkëmbjen e Rrëqebullit të Ballkanit (BLRP).

Webfaqja | Facebook | Instagram | LinkedIn 

Shqipëria

PPNEA

E themeluar në vitin 1991, Organizata për Ruajtjen dhe Mbrojtjen e Mjedisit Natyror në Shqipëri (PPNEA) është OJF-ja pioniere e Shqipërisë në fushën e mjedisit. PPNEA fokusohet në ruajtjen e natyrës përmes kërkimit shkencor, angazhimit të komunitetit dhe bashkëpunimit me institucione të ndryshme.

Që prej vitit 2006, PPNEA është pjesë e Programit për Rimëkëmbjen e Rrëqebullit të Ballkanit (BLRP), duke zbatuar strategji për të mbrojtur rrëqebullin e Ballkanit (Lynx lynx balcanicus) kritikisht të rrezikuar dhe habitetin e tij në Shqipëri.

Webfaqja | Facebook | Instagram | LinkedIn | YouTube

Kosova

ERA

<p>ERA (Grupi për Veprim të Përgjegjshëm Mjedisor) është një organizatë mjedisore me seli në Pejë, Kosovë, e themeluar në vitin 2003. Në vitin 2006, ERA iu bashkua Programit për Rimëkëmbjen e Rrëqebullit të Ballkanit (BLRP) për të mbrojtur rrëqebullin e Ballkanit (Lynx lynx balcanicus), një specie në rrezik kritik zhdukjeje, dhe habitatin e tij. Organizata fokusohet në kërkime shkencore, monitorim dhe angazhimin e komunitetit për të promovuar ruajtjen e biodiversitetit. Gjithashtu, ERA e konsideron prioritet edukimin mjedisor dhe përfshirjen e komuniteteve lokale në praktika të qëndrueshme, duke dhënë një kontribut të rëndësishëm në mbrojtjen e peizazheve natyrore të Kosovës.</p> <p><a href="https://era-ks.org/">Webfaqja</a> | <a href="https://www.facebook.com/eragroup">Facebook</a> | <a href="https://www.instagram.com/eragroupofficial/">Instagram</a>&nbsp;</p>

Gjermania

EuroNatur

EuroNatur është një fondacion bamirësie i themeluar në vitin 1987 dhe me seli në Liqenin e Konstancës në Gjermani. Projektet e fondacionit për ruajtjen e natyrës dhe specieve, ndihmojnë në ruajtjen e bukurisë dhe diversitetit të natyrës së Evropës. EuroNatur mbron peizazhet e mëdha natyrore, si dhe peizazhet kulturore me vlerë ekologjike në mbarë Evropën. Fondacioni i kushton rëndësi bashkëpunimit me organizatat lokale partnere dhe ofron mbështetje të nevojshme për partnerët e tij në zonat e projekteve EuroNatur për t'u mundësuar atyre të mbrojnë natyrën në mënyrë efektive. EuroNatur ka qenë e përfshirë në Programin për Rimëkëmbjen e Rrëqebullit të Ballkanit që nga fillimi i tij në vitin 2006.

Webfaqja | Facebook | Instagram | LinkedIn | YouTube

Zvicra

KORA

KORA është një fondacion me seli në Zvicër. Qëllimi i saj është ruajtja e jetës së egër, veçanërisht të mishngrënësve të mëdhenj në peizazhin kulturor. KORA është përgjegjëse për monitorimin kombëtar të të mishngrënësve të mëdhenj dhe drejton disa projekte shkencore që fokusohen në lloje si si ujku, rrëqebulli, macja e egër, ariu dhe çakalli. Që nga fillimi i Programit për Rimëkëmbjen e Rrëqebullit të Ballkanit (BLRP) në vitin 2006, KORA ka qenë e pëfshirë si partnere shkencore ndërkombëtare, duke ofruar ekspertizë shkencore dhe duke mbështetur objektivat e komunikimit dhe zhvillimin strategjik të programit.

Webfaqja | Facebook | Instagram | X