Програма за закрепнување на балканскиот рис

Регионалната стратегија за зачувување на балканскиот рис беше официјално усвоена на петнаесеттиот состанок на Конференцијата на страните на Конвенцијата за зачувување на миграторните видови диви животни (CMS COP15) што се одржа во Бразил. Стратегијата се фокусира на развивање национални акциски планови, поврзување на живеалишта и подобрување на генетската разновидност, а во наредните години ќе ја спроведуваат надлежните органи и експерти.

Со голема радост ви соопштуваме дека ја објавивме најновата брошура за балканскиот рис и за проектот со кој го штитиме рисот.

Македонското еколошко друштво, како партнер на БЛРП од Македонија, става околувратници на единки од балкански рис за да стекне детални сознанија за тоа како овој загрозен подвид ги користи живеалиштата и каде се движи. Ова се остварува преку ГПС-околувратници. Од почетокот на проектот околувратник носеле 15 единки, и дале вредни податоци.

Програмата за закрепнување на балканскиот рис (БЛРП) ја проценува достапноста на дивокозата во неколку региони за да стекне сознанија за овој битен плен на рисот. Ова ќе даде основа за да се конципираат соодветни заштитарски мерки.