Косово

ЕРА спроведува еколошка едукација за да се подигне свеста кај младите, особено во руралните средини и помалите заедници, и да ги поттикне на активизам. Ваквите иницијативи треба да изградат култура на еколошка одговорност и така учениците да се насочат кон одржливи практики во средината.

Во сржта на овие активности е заштитата на загрозените видови, како што е балканскиот рис (Lynx lynx balcanicus). Благодарение на ЕРА, балканскиот рис влезе во наставната програма за шесто одделение, оставајќи можност заштитарските заложби подобро да се разберат и заеднички да се спроведуваат.

Во рамки на меѓународни иницијативи за еколошки училишта, ЕРА тесно соработува со училиштата за спроведување одржливи практики. Тука спаѓаат екоградини, програми за рециклирање и за унапредување на енергетската ефикасност. Овие заложби дадоа опипливи резултати, па кај учениците се зголемија познавањата за загрозените видови и се истакна важноста од менторство на еколошки теми.